كوژران و برینداربوونی‌ 18هاوڵاتی‌ له به‌غداد

ته‌قینه‌وه‌ی‌ ئۆتۆمبێلێكی‌ بۆمبڕێژكراو له‌ باشووری‌ به‌غداد، كوژران و برینداربوونی‌ 18 هاوڵاتی‌ عێراقی‌ لێده‌كه‌وێته‌وه‌.

بە پێی هەواڵ دەری ئەهلوبەیت ع.ابنا: سه‌رله‌به‌یانی‌ ئه‌مڕۆ ئۆتۆمبێلێكی‌ بۆمبڕێژكراو كه‌ له‌ به‌رده‌م وه‌رشه‌یه‌كی‌ چاككردنه‌وه‌ی‌ ئۆتۆمبێل له‌ گه‌ڕه‌كی‌ پیشه‌سازی‌ له‌ ناوچه‌ی‌ به‌یاع، له‌ باشووری‌ به‌غدا راگیراوه‌، له‌ كاتی‌ كۆبوونه‌وه‌ی‌ هاوڵاتییاندا ته‌قیوه‌ته‌وه‌، له‌ ئه‌نجامیشدا 4 كه‌س كوژراون و 14 ی‌ تریش برینداربوون.

هاوكات سه‌رچاوه‌یه‌كی‌ پزیشكی‌ له‌ به‌غدا، ته‌ئكیدی‌ له‌سه‌ر ژماره‌ی‌ كوژراوو برینداره‌كان كردوه‌ته‌وه‌، له‌كاتێكدا هیچ لایه‌نێك به‌رپرسیارێتی‌ خۆی‌ له‌ ته‌قینه‌وه‌كه‌ رانه‌گه‌یاندوه‌.